07 mayo 2010

O Imperialismo: o incidente de fachoda

O Incidente de Fachoda ou Crise de Fachoda, é o nome co que se coñecen os episodios que tiveron lugar entre 1898 e 1899, cando Francia e Gran Bretaña decidiron contruír liñas de ferrocarril destinadas a conectar as súas respectivas colonias africanas; Francia de oeste a leste e Gran Bretaña de norte a sur. A pequena cidade de Fachoda, en Sudán, situada onde as duas liñas se cruzaban, convértese no escenario da confrontación entre franceses e ingleses. Para abrir camiño e defender as súas posicións os franceses enviaron dende o Oeste un exército ao mando do comandante Marchand, mentres que os británicos fixeron o mesmo con tropas incorporadas dende Exipto ao mando do xeneral Kitchener.

A situación bélica no plano naval era favorable para Gran
Bretaña, que contaba coa mariña de guerra mellor armada do mundo mentres a frota de guerra francesa non tiña unha boa organización e posuía unha menor potencia nos seus barcos. Certamente o exército francés era entón máis numeroso e mellor armado que o británico, pero este factor era de escasa importancia en caso dunha guerra colonial lonxe da metrópole, onde era indispensable contar cun grande apoio naval para transportar tropas.

A superioridade naval británica foi considerada polos políticos franceses como un elemento disuasivo moi importante, o cal xerou que o goberno francés ordenase ás súas tropas a retirada o 3 de novembro de 1898, dando fin ao incidente. Xunto con isto, diversos políticos franceses como o ministro de asuntos exteriores, Théophile Delcassé, consideraran que para os intereses de Francia era máis conveniente contar co apoio de Gran Bretaña en caso de guerra con Alemaña, e non desexaban danar unha posible alianza só por causa dun lugar de África onde Francia chegara tarde.

No hay comentarios: